Ukrainë, komediani Zelensky fiton zgjedhjet presidenciale

TV TRIBUNA 21 Prill 2019

Komediani Volodymyr Zelensky fitoi rreth 70% të votave në balotazhin presidencial, sipas rezultateve të para, ndërkohë që presidenti në largim, Petro Poroshenko e njohu humbjen në zgjedhje.

Zelensky e ka paraqitur veten si një alternativë të një establishmenti politik që do të luftojë korrupsionin galopant.

“Ne arritëm fitoren të gjithë së bashku. Të gjithë qytetarë të vendeve ish-sovjetike, na shihni ne! Çdo gjë është e mundur”, deklaroi Zelensky pas njoftimit të rezultateve.

Një aktor dhe regjisor i suksesshëm i komedisë, Zelensky ka interpretuar rolin e presidentit të Ukrainës në serialin televiziv me titullin “Shërbëtori i popullit” (2015-2019).

Në mars 2018 u krijua dhe partia “Shërbëtor i popullit”, nën siglën e të cilës Zelensky kandidoi për zgjedhjet presidenciale.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.