Ukraina: Janë shkatërruar 14 avionë, 8 helikopterë dhe 102 tanke ruse

ATSH 26 Shkurt 2022

KIEV, 26 shkurt /ATSH-AA/ – Shtabi i Përgjithshëm i Ukrainës ka njoftuar se kanë shkatërruar 14 avionë, 8 helikopterë, 102 tanke dhe 536 automjete të blinduara të forcave ruse ndërsa nënkryetari i Zyrës së Presidentit të Ukrainës, Mikhail Podolyak ka thënë se janë neutralizuar mbi 3.500 ushtarë rusë, transmeton Anadolu Agency (AA).

Në një deklaratë nga Shtabi i Përgjithshëm thuhet se Rusia ka filluar të vendosë njësi ushtarake shtesë në rajonet në kufirin me Ukrainën.

Në deklaratën ku vihet në dukje se janë rritur humbjet e ushtrisë ruse, bëhet e ditur se “Humbjet e parashikuara të trupave ruse janë 14 avionë, 8 helikopterë, 102 tanke, 536 automjete të blinduara, 15 artileri dhe sisteme ‘Buk‘”.

Nënkryetari i Zyrës së Presidentit të Ukrainës, Mikhail Podolyak, në një deklaratë lidhur me situatën në vendin e tij vuri në dukje se luftimet vazhdojnë në qytetet Herson, Mikolayev, Odesa dhe Mariopol.

Ai tërhoqi vëmendjen se Forcat e Armatosura të Ukrainës dhe policia kanë nën kontroll situatën në vend. “Nën kontroll është edhe situata në Kiev dhe në rajonin e Kievit”, theksoi Podolyak.

“Deri më tani janë vrarë mbi 3.500 ushtarë rusë ndërsa 200 janë zënë rob”, tha ai.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.