Ursula von der Leyen zgjidhet presidente e Komisionit Europian

ATSH 17 Korrik 2019

BRUKSEL, 16 korrik /ATSH-AFP/ – Gjermania, Ursula von der Leyen u zgjodh nga eurodeputetët presidente e Komisionit Europian, duke u bërë gruaja e parë në krye të ekzekutivit europian.

Me 383 vota pro, ministrja aktuale gjermane e Mbrojtjes, kandidate e zgjedhur nga shtetet anëtare, mori gjerësisht më shumë se sa mazhorancën absolute prej 374 votash në Parlamentin Europian, që ishte e nevojshme që në nëntor të zëvendësojë luksemburgasin Jean Claude Juncker.

Rama: Lajm i mirë për Europën, po edhe për Shqipërinë

Kryeministri Edi Rama e ka konsideruar si lajm të mirë për Europën dhe Shqipërinë, zgjedhjen në krye të Komisionit Europian të Ursula von der Leyen.

“Lajm i mirë për Europën, po edhe për Shqipërinë që pas votimit të sotëm, në krye të Komisionit Europian do të jetë Ursula von der Leyen, një grua e spikatur dhe një europeiste e palëkundur”, shprehet kryeministri Rama.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.