Vandalizohet varri i shkrimtarit Nikos Kazantzakis në Kretë, thyhet kryqi prej druri

Tribuna News Network 02 Gusht 2023

Këto pamje të trishta tregojnë vandalizmin e varrit të shkrimtarit të madh grek, Nikos Kazantzakis në Kretë të Greqisë.

Persona ende të paidentifikuar kanë thyer kryqin prej druri mbi varr, ndërsa autoritetet kanë nisur hetimet. Bashkia e Heraklionit ka njoftuar se do të ristauronte dëmin e pësuar nga vandalizmi brenda ditës.

Nikos Kazantzakis konsiderohet si njëri nga shkrimtarët më të mëdhenj të letërsisë moderne greke. Varri i tij në Kretë ku mbi të shkruhet "Nuk më tremb asgjë, nuk shpresoj asgjë; jam i lirë" vizitohet çdo ditë nga një numër i madh turistësh që adhurojnë veprat e tij.

Veprat e Kazantzakis, si "Tundimi i fundit," "Udhëtim në Malin e Shenjtë," "Astetika Salvadores Dei," "Krishti kryqëzohet përsëri," "Udhëtoj nëpër Japoni dhe Kinë," dhe shumë të tjera, janë të përkthyera edhe në shqip. Kjo tregon influencën e gjerë dhe vlerën e veprave të tij në kulturën letrare shqiptare.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.