Vdes Gianluca Vialli, violinisti i golit

ATSH 06 Janar 2023

ROMË, 6 janar /ATSH-ANSA/ – Vdiq në Londër futbollisti i njohur italian, Gianluca Vialli, moshën 58-vjeçare, pasi luftoi me kancerin në pankreas.

Gianluca Vialli ka fituar një Ligë të Kampionëve, dy Kupa të Fituesve të Kupave, një Kupë UEFA, një Superkupë Evropiane, dy kampionate kombëtare, katër Kupa Italiane, dy Superkupa Italiane, një FA Cup (kupa kryesore e futbollit kombëtar anglez) dhe një Ligë angleze.

Karriera e tij si protagonist që zgjati saktësisht dy dekada, nga viti 1980 deri në vitin 1999, megjithatë nuk ishte një udhëtim triumfal, por një betejë e pandërprerë që ka njohur edhe momente krize, si ai midis viteve 1992 dhe 1994.

Takimi me Roberto Mancinin, bën të lindë një harmoni e veçantë, aq sa të dy i kanë mbiquajtur ”binjakët e golit”.

Vialli është quajtur ndryshe edhe violinisti i golit apo ”Stradivialli”, një lojë fjalësh mes Stradivari dhe Vialli.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.