Vendimi për shtyrjen e lejeve të qëndrimit publikohet në Fletoren Zyrtare

TV Tribuna 23 Dhjetor 2020

Në Fletoren Zyrtare të qeverisë greke është publikuar të mërkurën 23 dhjetor, ligji që përmban edhe shtyrjen e lejeve të qëndrimit.

Siç përcaktohet në nenin e fundit, ligji hyn në fuqi menjëherë pas publikimit në Fletoren Zyrtare.

Neni 156, pika 2

Vlefshmëria e lejeve të qëndrimit dhe vërtetimeve për depozitim të aplikimeve të qytetarëve nga vendet e treta që skaduan apo do të skadojnë

a) Nga 1 janari 2020 deri në 31 korrik 2020, shtyhen automatikisht deri në 31 mars 2021

b) Nga 1 gushti 2020 me datë skadimi deri në 31 mars 2021, shtyhen automatikisht për 8 muaj që nga data fillestare e skadimit.

Vlefshmëria e lejeve të qëndrimit që do të dalin me rinovimin e të sipërpërmendurave, do të jetë e nesërmja e datës së skadimit.

Dispozita nuk zbatohet për lejet e qëndrimit dhe vërtetimet që janë rinovuar për një datë të mëvonshme.

3. Vlefshmëria e buletineve të aplikantëve për mbrojtje ndërkombëtare, që u shtynë me vendimin e datës 1.09.2020, shtyhen deri në 31 mars 2021, pavarësisht datës së skadimit të çdo buletini.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.