VIDEO: Avioni rrëzohet sipër parkingut, 5 të vdekur

Tribuna TV 06 Gusht 2018

Pesë persona humbën jetën kur avioni i tyre Cessna 414 u rrëzua pranë South Coast Plaza në Santa Ana (Los Angeles) të dielën pasdite, sipas shërbimit të Zjarrfikësve.

Avioni u rrëzua në parkingun e një magazine me pajisje për zyra, në Staples në bllokun 3800 të Bristol Street, tha zëdhënësi i zjarrfikësve, Stephen Concialdi.

Veç pesë personave që ndodheshin në bordin e Cessna-s, nuk u lëndua askush tjetër.

Pjesë të avionit goditën një veturë, pronari i të cilës në atë moment ndodhej brenda në dyqan. Dëme materiale u shkaktuan edhe në makina të tjera që ndodheshin në parking.

Autoritetet po hetojnë për shkaqet e aksidentit.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.