Zëdhënësi i Metës: Mocioni për shkarkimin e presidentit, do marrë përgjigje nga qytetarët

ATSH 15 Qershor 2019

TIRANË, 15 qershor /ATSH/ Presidenca ka reguar sot në lidhje me mbledhjen e firmave për nisjen e procedurës së shkarkimit të presidentit Ilir Meta në Kuvend. Zëdhënësi i Metës, Tedi Blushi tha sot se Ilir Meta është zgjedhur president nga parlamenti plotësisht legjitim.

“Ilir Meta është zgjedhur President nga një Parlament plotësisht legjitim, jo nga ky i sotmi. Nga momenti që ai është betuar me dorën mbi Kushtetutë i përket vetëm Republikës. Mocioni i “çunave të Shijakut” që kërkon të instalojë “Narko-Republikën” e bandave dhe oligarkëve do të marrë përgjigjen e merituar nga qytetarët e Republikës së Shqipërisë”, tha në reagimin e tij zëdhënësi i presidentit.

Të enjten e kësaj jave u miratua në Parlament me 100 vota një rezolutë kundër vendimit të Metës për shfuqizimin e 30 qershorit si datë për zgjedhjet lokale. Ndërkohë, pritet të zyrtarizohet edhe kërkesa për shkarkimin e Metës me mbledhjen e 55 firmave të deputetëve.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.