Zbulime të reja mbi vrasjen e presidentit Kennedy

Tribuna TV 26 Prill 2018

Në afro 55 vite pas vrasjes së John Kennedy teori të pafundme konsiparative kanë dalë për të shpjeguar se nga realisht Presidenti i SHBA u qëllua, duke filluar nga kodrina e gjelbër në krah të rrugës.

Pavarësisht arrestimit të Lee Harvey Oswald, e që provat e mëvonshme lidhnin plagën e Kennedy me tipin e armës që Oswald posedonte, skeptikët kanë propozuar se ka qenë edhe një qitës i dytë që qëndronte në kodrën e gjelbër pranë rrugës ku po kalonte Kennedy.

Por tanimë një studim i ri mundet që t’i japë fund këtij debati.

Përllogaritjet e reja, bazuar në pamjet filmike që regjistruan momentin e vrasjes, tregojnë se lëvizja misterioze e kokës së presidentit pasi u qëllua, një detaj jetik për teorinë mbi kodrën e gjelbër, ka qenë thjesht një efekt i zmbrapsjes.

Hetimet e hollësishme tregojnë se përplasja e plumbit fatal në kokë ka sjellë menjëherë një kthim për inerci edhe një kthim të kokës prapa. Duke shtuar prova të mëtejshme se Kennedy u qëllua nga pas, siç edhe autopsia zyrtare e asaj kohe tregoi.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.