Zelensky nënshkruan kërkesën për anëtarësimin e Ukrainës në BE

ATSH 28 Shkurt 2022

KIEV, 28 shkurt /ATSH-UKRINFORM/- Presidenti ukrainas Volodymyr Zelensky nënshkroi një kërkesë për anëtarësimin e Ukrainës në Bashkimin Evropian, njoftoi sot sekretari i shtypit i presidentit të Ukrainës, Serhiy Nikiforov.

“Dokument historik. Kërkesa për anëtarësim në Bashkimin Evropian, u nënshkrua nga presidenti i Ukrainës në Kiev më 28 shkurt 2022″, tha ai.

Nikiforov publikoi edhe një foto të aplikacionit. Në dokument thuhet: “Me këtë letër, Ukraina, si një shtet evropian që respekton vlerat e parashikuara në nenin 2 të Traktatit për Bashkimin Evropian, ka nderin të aplikojë për anëtarësim në Bashkimin Evropian në përputhje me nenin 49 të Traktatit mbi Bashkimi Europian.”

Siç është raportuar, në mëngjesin e 28 shkurtit, presidenti Volodymyr Zelensky tha se autoritetet ukrainase po i bënin thirrje BE-së për pranimin e menjëhershëm të Ukrainës sipas një procedure të veçantë. Më vonë, kryeministri i Ukrainës Denis Shmygal tha se kërkesa është duke u përgatitur.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.