Zgjedhjet lokale, KQZ: Pjesëmarrja 21.6%

ATSH 01 Korrik 2019

TIRANË, 30 qershor /ATSH/ Komisioni Qendror i Zgjedhjeve raportoi të dhënat e ardhura nga komisionet zonale të votimit, për pjesëmarrjen në zgjedhjet lokale të 30 qershorit. Sipas KQZ-së në të gjithë vendin votuan 21,6% e zgjedhësve se 771 mijë e 863 zgjedhës.

Zëdhënësja e KQZ-së, Drilona Hoxhaj raportoi pjesëmarrjen sipas shifrave të mbërritura nga KZAZ-të në të gjithë vendin, pas përfundimit të procesit të votimit.

“Menjëherë pas mbylljeve të qendrave të votimit sipas procedurave të përcaktuara nga Kodi Zgjedhor, Komisionet e Qendrave të Votimit sipas procedurave ligjore kanë nisur procesin e dorëzimit të kutive të votimit dhe kutive të materialeve zgjedhore nga Qendrat e Votimit drejt Vendeve të Numërimit të Votave”, – tha Hoxhaj.

Sipas përcaktimeve të Kodit Zgjedhor dhe akteve të KQZ-së, numërimi fillon vetëm pasi të jenë marrë në dorëzim nga KZAZ-të të gjitha kutitë e votimit me fletët e votimit dhe kutitë e materialeve zgjedhore nga të gjithë qendrat e votimit nën juridiksionin e saj.

Tashmë pritet të nisë procesi i numërimit të votave, menjëherë sapo të jetë mbyllur mbërritja e kutive të votimit dhe atyre të materialeve zgjedhore pranë qendrave të numërimit të votave.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.